काठमाडौँ ११ पुष । नेपाल सरकारले ९ महिनादेखि बन्द रहेका चलचित्र भवनहरु खोल्ने निर्णय गरेको छैन । सरकारले निर्णय नगरेपनि चलचित्र संघले हिजोबाट देशभरका हलहरु सुचारु गर्ने निर्णय गरेसँगै हलहरु संचालनमा आएका छन् ।
हलहरु संचालनमा आएसँगै जिल्ला प्रशासन कार्यलय, काठमाण्डौले चलचित्रकर्मीहरुलाई छलफलमा बोलाएको छ ।
चलचित्रकर्मीसँगको छलफलपछि जिल्ला प्रशासन कार्यलयले आज बस्ने मन्त्रीपरिषद्को बैठकमा हल खोल्ने बिषयमा पत्र पठाउने निर्णय गरेको हो ।
मन्त्रीपरिषद्ले कुनै मिति तोकेर हल खोल्ने निर्णय गरेको खण्डमा सो दिनसम्म हल बन्द गर्न हल संचालकहरु सहमत भएका छन् ।
आजदेखि हल खोल्ने निर्णयमा भने आफूहरु पछि नहटेको र हल सुचारु हुने अशोक शर्माले बताए ।।
प्रतिक्रिया