खोलाले बगाएर बालक बेपत्ता

हिलिहाङ, २७ असार । खोला तर्ने क्रममा पाँचथरको मिक्लाजुङ गाउँपालिका–४ स्थित नुँवा खोलाले बगाएर आज बिहान एक विद्यार्थी बेपत्ता भएका छन् । बेपत्ता हुनेमा स्थानीय खेसेङखोपाका होलीचायल्डमा अध्ययनरत आठ वर्षीय बालक जीवन राई रहेका छन् । उनको खोजी कार्यका लागि अहिले प्रहरीचौकी रवि र स्थानीयले खोजी कार्य तीव्र पारेको जिल्ला प्रहरी कार्यालय पाँचथरका प्रहरी निरीक्षक अनिल पौड्यालले बताउनुभयो । निरन्तरको वर्षात्को कारण नुँवा खोलामा आएको बाढीले बगाएर उनी बेपत्ता भएका थिए ।  (रासस)