आगलागीबाट घर जलेर नष्ट

महोत्तरीका प्रहरी उपरीक्षक राजकुमार लम्सालका अनुसार मझौराका किसुन नदाफको घरमा उनका १० वर्षीया छोरीले खाना पकाउन चुल्होमा आगो सल्काउँदा अचानक आगो अनियन्त्रित भई किसुन नदाफ र उनका भाइ रसुल नदाफको घर जलेर नष्ट भएको छ ।

आगलागीबाट दुवै दाजुभाइको एक तल्ले फुसको घर पूर्ण रुपमा जलेर नष्ट भएको छ भने घरभित्र रहेका अन्नपाती, लत्ताकपडा, भाँडाकुँडा, फर्निचर, टिभी, मोबाइल लगायतका सबै थोक जलेर नष्ट भएको प्रहरीले जनाएको छ ।

स्थानीयवासी तथा प्रहरीको सहयोगमा आगो नियन्त्रणमा लिइएको थियो ।