महिला बेपत्ता

गत असार १६ गते दिउँसो कोठाबाट हिँडेकी ३४ वर्षीया पार्वती बराल आजसम्म पनि कोठामा नफर्केको उनका श्रीमान् यमप्रसाद बरालले जानकारी दिनुभयो ।

महानगर–२२ पुम्दीभुम्दी घर भएका बराल परिवारले सो ठाउँमा रेस्टुराँ व्यवसाय गर्दै आएका र पार्वतीको चिनेजानेका र आफन्त सबैकहाँ सोधपुछ गर्दासमेत फेला नपरेको बताइएको छ ।

श्रीमान् यमप्रसादले श्रीमतीको खोजी गरिदिन प्रहरीमा निवेदन दिएको बताउनुभयो । पार्वतीले रेस्टुराँमा लेखाको काम गर्दै आएकी थिइन् । घरमा झैझगडा केही पनि नभएको यमप्रसादको भनाइ छ ।