उपचारका क्रममा चिनियाँ नागरिकको मृत्यु

मृत्यु हुनेमा ४७ वर्षीय चिनियाँ नागरिक जिङ्ग झवोक्वी रहेका छन् । तीन वर्षदेखि उनले सो आयोजनामा काम गर्दै आएका थिए ।

गए राति खाना खाएर सुतेका र बिहान अचेत अवस्थामा देखेपछि त्यहाँ कार्यरत कर्मचारीले उपचारका लागि उनलाई मनिपाल शिक्षण अस्पतालमा भर्ना गराएका थिए । उपचारका क्रममा उनको आज मृत्यु भएको जिल्ला प्रहरी कार्यालयका प्रवक्ता खड्गबहादुर खत्रीले जानकारी दिनुभयो ।

जिल्ला प्रहरी कार्यालय कास्कीले आयोजनामा प्रहरी टोली पठाएर घटनाका सम्बन्धमा अनुसन्धान गरिरहेको जनाएको छ ।