उद्योग विकास शाखाबाट उद्योग दर्ता हुने

यसअघि घरेलु तथा साना उद्योग कार्यालय र घरेलु तथा साना उद्योग विकास समिति कार्यालयबाट उद्योग दर्ता हुँदै आएकोमा अबदेखि उद्योग विकास शाखाबाट हुन लागेको हो ।

उद्योग मन्त्रालयको यही असार १४ गतेको सचिवस्तरीय निर्णयअनुसार घरेलु तथा साना उद्योग कार्यालय र घरेलु तथा साना उद्योग विकास समिति कार्यालयबाट हुने काम उद्योग विकास शाखाबाट गर्न समिति र विभागलाई निर्देशन दिएको हो ।

हाल ४८ जिल्लामा घरेलु तथा साना उद्योग विकास समिति र २७ जिल्लामा घरेलु तथा साना उद्योग विभागबाट काम हुँदै आएको छन् ।

घरेलु तथा साना उद्योग विकास समितिका निमित्त कार्यकारी निर्देशक सुरेन्द्रकुमार थापामगरले जिल्ला सदरमुकाममा रहेका घरेलु तथा साना उद्योग कार्यालय र समितिबाट काम गर्दे आए पनि अब उद्योग विकास शाखाबाट गर्ने बताउनुभयो ।

उहाँले भन्नुभयो, “अहिले प्रत्येक जिल्लाको जिल्ला सदरमुकाममा रहेका उद्योग विकास शाखाबाट काम गर्ने र विस्तारै यसलाई ७४४ वटै स्थानीय तहमा पु¥याउनेछौँ ।”

उद्योग विकास शाखाको सम्पूर्ण काम भने घरेलु तथा साना उद्योग विभाग र समितिका कर्मचारीले गर्नेछन् ।