शपथको मागसहित सभामुख र मुख्यमन्त्रीसँग भेट

प्रदेशसभा सदस्यमा निर्वाचित भए पनि पद तथा गोपनीयताको शपथ नलिएका मनाङे यही पुस पुस ६ गते सर्वोच्चको आदेशबाट जेल मुक्त हुनुभएको थियो । जेल मुक्त भएसँगै सपथ गराइनुपर्ने मागसहित उहाँले एक साता अघि प्रदेशसभा सचिवालयमा निवेदन दर्ता गराउनुभएको थियो ।

सपथ गराउन ढिलो भएको भन्दै उहाँले आज प्रदेशसभा सचिवालय पुगी सभामुख अधिकारीसँग भेट गर्नुभयो । भेटपछि उहाँले आफ्नो मागमा सभामुख सकारात्मक रहनुभएको प्रतिक्रिया दिनुभयो । आफ्नो सपथ नभए अन्तर्राष्ट्रिय अदालतसम्म जान सक्ने मनाङेले बताउनुभयो । मुख्यमन्त्री गुरुङसँग मनाङेले भेटे पनि मुख्यमन्त्री सपथका सम्बन्धमा केही बोल्नुभएन ।
–––