प्रधानमन्त्री केपी शर्मा ओली आज गृहजिल्ला झापा जाँदै

काठमाडौं । प्रधानमन्त्री केपी शर्मा ओली आज गृहजिल्ला झापा जाँदै छन् । औद्योगिक क्षेत्र शिलान्यासलगायतका कार्यक्रममा सहभागी हुन ओली झापा जान लागेका जानकारि प्राप्त भएको छ ।

झापाको दमक नगरपालिका, कमल गाउँपालिका र गौरादह नगरपालिकामा फैलिने औद्योगिक क्षेत्रलाई ‘चीन नेपाल मैत्री औद्योगिक पार्क’ नाम दिइएको छ ।

६४ अर्ब रुपैयाँ लगानी रहने ‘चीन नेपाल मैत्री औद्योगिक पार्क’ पीपीपी मोडलमा निर्माण गर्ने सम्झौता भइसकेको छ ।