आँप खान गएका दुई जनालाई तमोर बनायो बेपत्ता

काठमाडौं ९, असार।आँप खान भनेर तमोर नदी किनारमा गएका दुई जनालाई नदीले बगाएर बेपत्ता बनाएको छ।

तेह्रथुमको आठराई गाउँपालिका वडा नम्बर–५ छातेढुङ्गा होडाका १५ वर्षीय सन्तोष तामाङ र ताप्लेजुङको आठराई त्रिवेणी गाउँपालिका–२ जुकेटारका १८ वर्षीय रञ्जित शेर्पालाई तमोर नदीले बगाएर बेपत्ता बनाएको हो।

उनीहरू छातेढुङ्गातर्फ पर्ने तमोर नदीको प्याङ्ग् दोभानबाट बगेको प्रहरीले जनाएको छ।उनीहरूको खोजी कार्य छातेढुङ्गा र चुहानडाँडा प्रहरी चौकीको टोलीले गरिरहेको छ।