दैलेखमा सवारी दुर्घटना, तीनको मृत्यु १३ घाइते

मंसिर १३, काठमाडौं । दैलेखको गुराँस गाउँपालिका–४ मुङ्ग्राहामा सवारी दुर्घटनामा परी तीन जनाले ज्यान गुमाएका छन् । सुर्खेतबाट दैलेख जाँदै गरेको भे१ज १०२९ नम्बरको गाडी दुर्घटनामा पर्दा तीन जनाले घटनास्थलमै ज्यान गुमाएका हुन् । गाडी दुर्घटना हुँदा अन्य १३ जना घाइते भएका छन् ।

जिल्ला प्रहरी कार्यालय दैलेखका डीएसपी हरि वलीले घाइतेको उद्धार गरी उपचारका लागि सुर्खेत पठाइएको जानकारी दिए । दुर्घटना के कारणले भयो अनुसन्धान भइरहेको प्रहरीले जनाएको छ ।