नेपाल सरकार गृह मन्त्रालयले केही वरिष्ठ प्रहरी उपरीक्षक (एसएसपी)हरुको काज सरुवा गरेको छ । सरुवा अनुसार महानगरीय प्रहरी परिसर काठमाडौं र महानगरीय अपराध महाशाखाका प्रमुख फेरिएका हुन।
गृहमन्त्रालयका अनुसार काठमाडौं परिसरमा एसएसपी उत्तमराज सुवेदीलाई सरुवा गरिएको छ । उनी यस अघि केन्द्रीय प्रहरी प्रवक्ताका रुपमा प्रहरी महानिरीक्षकको सचिवालयमा कार्यरत थिए । त्यस्तै अपराध महाशाखाका एसएसपी सहकुल थापालाई जिम्मेवारी दिइएको छ । उनी प्रदेश नम्बर १ तालिम केन्द्रमा कार्यरत थिए । परिसरका एसएसपी बसन्त लामाको लागूऔषध नियन्त्रण ब्यूरो र अपराध महाशाखाका प्रमुख धिरज सिंहको प्रहरी प्रधान कार्यालयमा सरुवा भएको छ । सिंहले महाशाखाको नेतृत्व सम्हालेको एक वर्ष भएको छ भने लामाको आठ महिनामा नै सरुवा भएको छ ।
प्रतिक्रिया