राष्ट्रपतिद्वारा कृष्ण मन्दिरमा पूजा : ढुङ्गेधाराबारे जिज्ञासा

सो अवसरमा राष्ट्रपति भण्डारीले मन्दिरका पुजारी प्रतापधर शर्माबाट टीका तथा प्रसाद ग्रहण गर्नुभयो । सिद्धिनरसिंह मल्लले विसं १६९३ मा शिखर शैलीमा बनाएको सत्रौँ शताब्दीको ढुङ्गै ढुङ्गाको २१ गजुरको सो मन्दिरसँगै रहेको ऐतिहासिक ढुङ्गेधाराको पनि उहाँले अवलोकन गरी त्यसबारे जिज्ञासा राख्नुभएको ललितपुर महानगरपालिकाका प्रमुख चिरीबाबु महर्जनले बताउनुभयो ।

मनसुनका समयमा मात्र उक्त ढुङ्गेधारामा पानी आउने र हिउँदमा नआउने बताउँदै प्रमुख महर्जनले आगामी वर्ष राष्ट्रप्रमुखको सवारी हुँदा नियमित पानी आउने व्यवस्था मिलाइने प्रतिबद्धता व्यक्त गर्नुभयो ।
राष्ट्रपति भण्डारीलाई महानगरप्रमुख महर्जन र उपप्रमुख गीता सत्याल, सांसद सिद्धिलाल सिंह, चन्द्र महर्जन, उदयशम्शेर राणा र सुशीला नेपाल, प्रजिअ राजकुमार श्रेष्ठलगायतले स्वागत गर्नुभएको थियो ।