जोखिममा रहेको समुदायको आयस्तर सुधार गर्न बहुउपयोगी पानी प्रणली

भौगोलिक रुपमा जोखिम अवस्थामा रहेका समुदायका लागि सहजरुपले खाद्यान्न उपलब्ध गराउन सो प्रणालीले महत्वपूर्ण भूमिका निर्वाह गरिरहेको प्रमुख जिल्ला अधिकारी जनकराज भट्टले बताउनुभयो ।

ग्रमीण महिला विकास तथा एकता केन्द्र (रुडुक) र पहल परियोजनाको संयुक्त तत्वाबधानमा सञ्चालित सो प्रणालीले त्यस्ता परिवारको आम्दानी बढाउने कार्य भइरहेकामा यसलाई अझै प्रभावकारी बनाउनका लागि ठोस् नीति तथा कार्ययोजना निर्माण गर्न उहाँले समेत सुझाव दिनुभयो ।

जोखिम अवस्थामा रहेका परिवारको आम्दानी बढाउने र उनीहरुको स्वास्थ्य र पोषणमा सुधार ल्याउनका लागि विभिन्न कार्यक्रम सञ्चालनमा ल्याइएको पहल परियोजनाका कार्यक्रम सयोजक प्रकाश मडैंले बताउनुभयो ।

कार्यक्रमले विपद् र जोखिममा रहेका व्यक्तिलाई विपद्पश्चात पूर्व अवस्थामा फर्केेर व्याबहारिक बन्न सहयोग गरिरहेको उहाँले जानकारी दिनुभयो । परियोजनाले जोखिममा रहेका समुदायमा कृषिजन्य स्रोत साधन तथा उत्पादन प्रविधिमा सुधार ल्याउने र कृषिजन्य उत्पादन संकलन गरेर बजार व्यवस्थापनजस्ता कायसमेत गरिरहेको छ ।

साना सिँचाइ प्रविधि प्रवद्र्धनले कृषि उत्पादनमा वृद्धि भएको रुडुकले जनाएको छ । पहल परियोजनाले विपद् जोखिममा रहेको समुदायको जोखिम न्यूनीकरण गर्ने र तिनकोे क्षमता वृद्धि गर्ने तालीम दिनुका साथै नाटकमार्फत जनचेतना दिनेजस्ता कार्य गर्दै आएको जनाएको छ ।

सरकारी र अन्य सरोकारवालासँग समन्वय गरी जोखिम मानिएका समुदायहरु आलिताल गाउँपालिका, भागेश्वर गाउँपालिका र पर्शुराम नगरपालिकाका विभिन्न समुदायमा बहुउपयोगी पानी प्रणाली सञ्चालन गरेर उत्पादन वृद्धिका साथै आर्थिक विकासमा टेवा पुगेको सरोकारवालाको भनाइ छ ।

आज सम्पन्न भएको बहुउपयोगी पानी प्रणली सम्बन्धी सरोकारवालासँग अन्तक्र्रिया कार्यक्रममा जिल्ला प्रशासन कार्यालय, जिल्ला समन्वय समिति, जिल्ला भूसंरक्षण कार्यालय, खानेपानी डिभिजन कार्यालय, कृषिलगायत अन्य सरकारी र गैरसरकारी कार्यालयका प्रमुखको सहभागिता थियो ।