पत्रकार उपचार कोषलाई रु ५१ हजार सहयोग

पत्रकार समाजकै आँखा भएकाले उनीहरुको अभियानमा केही मात्रामा भए पनि सहयोग पुगोस् भन्ने उद्देश्यले रकम प्रदान गरिएको मेची नेत्रालयका प्रशासन प्रमुख पुनम राईले बताउनुभयो ।

महासङ्घ झापाका उपाध्यक्ष एवम् कोषका संयोजक एकराज गिरीलाई शनिबार अस्पतालका संस्थापक एवम् प्रमुख डा शरदचन्द्र प्रकाश राईले उक्त रकमको चेक हस्तान्तरण गर्नुभयो ।
महासङ्घ झापा रु एक करोडको कोष स्थापना गर्ने लक्ष्यका साथ अघि बढेको छ । मानवसेवा त्यसमा पनि घाइते र बिरामी पत्रकारको उपचारमा सहयोग पु¥याउन महासङ्घले थालेको अभियान अनुकरणीय रहेको भन्दै सहयोग गर्न पाएकामा नेत्रालयका सञ्चालकहरुले खुसी व्यक्त गरेका छन् । हालसम्म कोषमा रु २३ लाख जुटिसकेको महासङ्घ झापाले जनाएको छ ।