भक्तपुर, १६ असार । फ्रान्सका राजदूत युभिस कारमोनले भूकम्पबाट क्षति भएपछि अन्तर्राष्ट्रिय संस्थाको ७० लाखको सहयोगमा पुनःनिर्माण भएको चाँगुनारायण नगरपालिका– ६ नगरकोटस्थित गड्गडे आधारभूत विद्यालय प्रअलाई हस्तान्तरण गर्नुभएको छ ।
फ्रान्सको इन्फ्रान्स र ओटी मार्फो नामक अन्तर्राष्ट्रिय संस्थाको सहयोगमा निर्मित भूकम्प प्रतिरोधी दुईतले विद्यालय भवनमा नौ कोठा छन् । एक सय ५० विद्यार्थी अध्ययनरत सो विद्यालयमा नयाँ भवनसँगै विद्यार्थी सङ्ख्यामा वृद्धि हुने विद्यालयका प्रअ पूर्ण तामाङले अपेक्षा गर्नुभयो ।
चाँगुनारायण नगरपालिकाका प्रमुख सोम मिश्र, इन्फ्रान्सका प्रमुख कारोलिन डेविल्ड, जिल्ला शिक्षा अधिकारी अर्जुनबहादुर रायमाझी, भवन निर्माणका लागि समन्वय गर्ने संस्था डेल्टा कोरका प्रमुख सिद्धार्थराज पाण्डेलगायतले सुरक्षित भवन निर्माण गरी पूर्वाधार विकासका लागि सरकारको ध्यान केन्द्रित हुनुपर्नेमा जोड दिनुभयो ।
प्रतिक्रिया