इलाम, १६ असार । इलामको रोङ गाउँपालिका–१ को वडाध्यक्षमा नेकपा एमालेका बुद्ध ढकालले ५६४ मत प्राप्त गरी विजयी हुनुभएको छ् ।
उहाँका निकटतम प्रतिद्वन्द्वी काँग्रेसका पूर्ण ढकालले २७५ मत प्राप्त गर्नुभयो ।
त्यस्तै महिला सदस्यमा जयकला चाम्लिङ ५६२ मत, दलित महिला सदस्यमा लक्ष्मी नेपाली ५६८, खुल्ला सदस्यमा तुलसीराम न्यौपाने ५६९ र महानन्द अधिकारी ५६८ मत ल्याएर विजयी भएका छन् । विजयी सबै एमालेसँग आवद्ध हुनुभएको छ ।
सूर्योदय– १ मा काँग्रेस विजयी
त्यसैगरी इलामको सूर्योदय नगरपालिका– १ को अध्यक्षमा नेपाली काँग्रेसका राजकुमार लिम्बूले एक हजार ४५६ मत ल्याएर विजयी हुनुभएको छ । उहाँका निकटतम प्रतिद्वन्द्वी नेकपा एमालेका तेजबहादुर पाण्डेले एक हजार २८५ मत प्राप्त गर्नुभएको हो ।
प्रतिक्रिया