विविधतायुक्त संस्कृति मुलुकको मौलिकता ः राज्यमन्त्री चन्द

सुदूरपश्चिम सम्पर्क एवं विकास समाजद्वारा आयोजित गौरा पर्व महोत्सवको आज पोखरामा उद्घाटन गर्दै उहाँले हिमालदेखि तराई र पूर्वदेखि पश्चिमसम्म मनाइने प्रत्येक चाडपर्व, रीतिरिवाजले एकआपसमा एकाकार बनाउन मद्दत पु¥याएको बताउनुभयो ।

नेपालको आर्थिक, सांस्कृतिक र सामाजिकरुपमा विकासमा संस्कृतिको महत्वपूर्ण भूमिका रहेको बताउँदै उहाँले भन्नुभयो, “मानव सभ्यताको पहिचानका रुपमा रहेको संस्कृति संरक्षणमा जोड दिनुपर्ने बताउनुभयो ।”

कार्यक्रममा जिल्ला प्रहरी कार्यालय कास्कीका प्रमुख अशोक सिंह, जनप्रतिनिधिमा निर्वाचित राधिका योगी र सामाजसेवी चक्र बोहोरालाई सम्मान गरिएको थियो ।

समाजका अध्यक्ष राजेशकुमार ठकुरी, प्राडा अकल तिमिल्सिना, दामोदर अधिकारी, भानु भण्डारीलगायतले गौरा पर्वको महत्वमाथि प्रकाश पार्नुभएको थियो ।