बाढीको क्षति यकिनपछि पुनःनिर्माणको योजना ः राज्यमन्त्री पुन

रिपोर्टर्स क्लब दाङले आज आयोजना गरेको साक्षात्कारमा उहाँले बाढीले विभिन्न स्थानमा खानेपानी, सिँचाइका योजना बगाउनुको साथै खेतीयोग्य जमिन कटान गरेको बताउनुभयो ।

राज्यमन्त्री पुनले सरकारले पहिलो चरणमा बाढीपीडितका लागि करिब रु ३८ करोड खर्च गरेको बताउनुभयो । उहाँले भन्नुभयो, “सबै स्थानको यकिन विवरण आएको छैन विवरण आउनेबित्तिकै बाढीपीडित र बाढीको क्षतिको पुनःनिर्माणमा सरकार लाग्नेछ ।”

उहाँले अर्को एक प्रसंगमा वर्तमान सरकारको निर्वाचनमा केन्द्रित भएको बताउनुभएको छ । सरकारका सामु निर्वाचन, संविधान कार्यान्वयनका साथै बाढीबाट भएको क्षतिको पुनःनिर्माण गर्नु रहेको बताउनुभयो ।