नेपालमा कोरोनाको कारण थप ४ जनाको मृत्यु

काठमाडौं, २६ साउन । नेपालमा पछिल्लो २४ घण्टाको विवरण अनुसार कोरोनाभाइरस(कोभिड–१९) बाट ४ जनाको मृत्यु भएको छ । मन्त्रालयका अनुसार कोरोनाको कारण मृत्यु हुनेको संख्या ७९ पुगेको छ ।

मृत्यु हुनेमा काठमाडौं जिल्ला कामनपा १०, मध्य बानेश्वर वस्ने ७६ वर्षिय एक पुरुष को मिति २०७७ साउन २६ गते विहान १०ः१५ बजे मेडिकेयर अस्पतालमा निधन भएको छ । श्वास प्रश्वासमा कठिनाई तथा जिउ दुख्ने समस्या भई साउन २३ गते राती १०ः१५ बजे भेन्टीलेटरमा राखी आइ सियुमा उपचाररत रहेका छन्। निजमा निमोनिया, उच्चरक्तचाप तथा मधुमेहको समस्या रहेको थियो। निजको गत साउन २४ गते स्वाव संकलन गरी परिक्षण गर्दा आज साउन २६ गते कोरोना पुष्टी भएको मन्त्रालयले जनाएको छ ।

त्यस्तै काठमाडौं जिल्ला किर्तिपुर नपा ट्याडलाफांट वस्ने ६४ वर्षिय एक पुरुषको मिति २०७७ साउन २६ गते विहान ५ः४२ वजे मेडिसिटी अस्पतालमा निधन भएको छ । मृगौलाका दीर्घरोगी निज मिति २०७७ आषाढ ३१ गते निमोनिया तथा सेप्टीक सक भई अस्पताल भर्ना भएका थिए । निजको गत साउन ५ गते कोरोना पुष्टी भएको ।

त्यस्तै जिल्ला बांके कोहलपुर नगरपालिका वडा नं २ वस्ने ७० वर्षिया एक महिलाको नेपालगंज मेडिकल कलेज, कोहलपुरमा मिति २०७७ साउन २५ गते दिउंसो ३ः१० बजे निधन भएको छ । उच्च रक्तचाप तथा पारालाइसिसकी विरामी निज निमोनियां तथा सेप्टीक सक भई गत साउन २३ गते नेपालगंज मेडिकल कलेजमा भर्ना भएकी र सोही दिन स्वाव नमुना संकलन गरी भेरी अस्पताल नेपालगंजमा परिक्षण गर्दा साउन २५ गते सांझ बजे कोरोना पुष्टी भएको ।

पर्सा जिल्ला वेदियाही गाउँपालिका वडा नं १५ वस्ने वर्ष ४५ की एक महिलाको मिति २०७७ साउन २५ गते विहान ४ बजे नारायणी अस्थायी कोभिड विशेष अस्पताल गण्डकमा निधन भएको छ । उच्च रक्तचाप तथा हाइपोथाइराडिजमकी विरामी निजमा श्वास प्रश्वासमा समस्या देखिएपछि अस्पताल भर्ना भएको हो । मृत्यु पश्चात साउन २५ गते स्वाव नमुना संकलन गरी परिक्षण गर्दा कोराना पुष्टी भएको मन्त्रालयले जनाएको छ ।