ओभरटेक गर्दा ज्यान गयो

मृत्यु हुनेमा शिवगञ्ज–७ निवासी ३२ वर्षीय विजय लावती रहेको जिल्ला ट्राफिक प्रहरी कार्यालय झापाले जनाएको छ ।

पश्चिमबाट पूर्वतर्फ आउँदै गरेको मे ७ प २३२९ नम्बरको स्कुटरले सोही दिशाबाट आउँदै गरेको बा ३२ प ६६१३ नम्बरको स्कुटरलाई ओभरटेक गरेर अगाडि बढ्दा विपरीत दिशाबाट जाँदै गरेको को १ ख ३९१४ नम्बरको बससँग ठक्कर खाँदा सो दुर्घटना भएको प्रहरीले जनाएको छ ।

दुर्घटनामा परी मे ७ प २३२९ नम्बरको स्कूटरका चालक लावतीको मृत्यु भएको जिल्ला ट्राफिक प्रहरी कार्यालय झापाका प्रहरी नायव निरीक्षक याम खड्काले जानकारी दिनुभयो ।