वागमती प्रदेशको संसदिय दलको नेताबाट डोरमणि हटाइए, उक्त स्थानमा अष्टलक्ष्मी शाक्य चय

काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल समूहले बागमती प्रदेशको संसदीय दलको नेताबाट डोरमणि पौडेललाई हटाएको छ ।

पौडेलको स्थानमा अष्टलक्ष्मी शाक्य चयनसमेत गरेको छ ।

बुधवार केन्द्रीय कार्यालय पेरिसडाँडामा शाक्यको अध्यक्षतामा बसेको प्रदेशसभा संसदीय दलको बैठकले पौडेलले सोधेको स्पष्टिकरण दिन नपर्ने निर्णय गरेको छ ।

शाक्यलाई यसअघि नै दलको नेता बनाएर मुख्यमन्त्रीका रुपमा प्रस्ताव गरी पौडेलविरुद्ध अविश्वास प्रस्ताव दर्ता भएकाले आजको बैठकले त्यसलाई अनुमोदन गरेको छ ।