निषेधाज्ञा कडा रुपमा लागू : बैंकका कर्मचारीलाई समेत रोकियो, आज बैंक नखोल्न बैंकर्स संघको निर्देशन

काठमाडौं, ४ भदौ । प्रहरीले बैंकका कर्मचारलिाई रोकेपछि आज बैंकका शाखा नखोल्ने भएका छन् । निषेधाज्ञामा प्रहरीले बैंकका कर्मचारीहरुलाई समेत रोकेपछि नेपाल बैंकर्स संघले आज बैंकका शाखा नखोल्न निर्देशन दिएको हो ।

नेपाल बैंकर्स संघका अध्यक्ष भुवन कुमार दाहालले आज बैंक नखोल्ने निर्णय भएको बताए ।

काठमाडौं उपत्यकामा गएराति १२ बजेदेखि निषेधाज्ञा जारी गरेको छ । निषेधाज्ञा पालना गराउन सडकमा खटिएका नेपाल प्रहरी र ट्राफिक प्रहरीले ठाउँठाउँमा बैंकका कर्मचारीहरुलाई रोकेका छन् । बैंकका सीईओलाई समेत बाटैमा रोकिएको बैंकर्सहरु बताउँछन् ।