सुनको मूल्यमा ऐतिहासिक रेकर्ड, एक लाख दुई हजार नाघ्यो

काठमाडौं, २२ साउन । नेपाली बजारमा छापावाला सुनको मूल्यले ऐतिहासिक रेकर्ड कायम गरेको छ ।

नेपाली बजारमा हिजोका तुलनमा आज एक हजार एक सयले बढेर प्रतितोला एक लाख दूई हजार पाँचसय पुगेको छ ।

एक तोला सुनको यो मूल्य हालसम्मकै उच्च हो । नेपाल सुनचाँदी व्यवसायी महासंघले तेजाबी सुनको प्रतितोला मूल्य एक लाख दुई हजार रुपैयाँ तोकेको छ ।

बिहीबारका लागि चाँदीको खरिद बिक्री मूल्य प्रतितोला १३ सय ४५ रुपैयाँ छ ।