देशभर वर्षा हुने सम्भावना, सकर्तकता अपनाउन मौसम विभागको आग्रह

काठमाडौं ७, असार। जल तथा मौसम पूर्वानुमान महाशाखाले देशभर पानी पर्ने सम्भावना रहेको जनाएको छ। महाशाखाकाअनुसार केही दिनदेखि देशको पूर्वी भू–भाग हुँदै मनसुन सक्रिय भएको छ।

वर्षात् हुने भएकाले बाढी र पहिरोबाट जोगिन सतर्कता अपनाउन पनि महाशाखाले आग्रह गरेको छ। गएको जेठ ३० गते नेपालमा मनसुन भित्रिएको हो।

२४ सै घण्टा देशको अधिकाँश भू–भागमा हल्कादेखि मध्यम र प्रदेश १, २, ५, बागमति, गण्डकीको केही स्थान र कर्णाली तथा सुदूरपश्चिम प्रदेशका १/२ स्थानमा भारी वर्षाको सम्भावना रहेको महाशाखाले जनाएको छ।

वर्षातपछि नदीमा पानीको बहाब बढ्ने, पहिरो जाने, सडक तथा हवाई यातायातसमेत प्रभावित हुन सक्ने सम्भावना पनि रहेको छ।