१२ मंसिर, काठमाडौं । अर्घाखाँचीको सन्धीखर्क नगरपालिकामा बस दुर्घटना हुँदा १९जनाको मृत्यु भएको छ ।
मृत्यु हुनेमा ११ सनाखत गरेको ५ नं प्रदेश प्रहरी कार्यालयले जनाएको छ । सन्धीखर्कबाट बुटवलतर्फ आउँदै गरेको लु २ ख २१४८ नम्बरको गाडी सडकबाट करिब चार सय मिटर तल खसेको प्रदेश प्रहरी प्रमुख डीआईजी सुरेश विक्रम शाहले बताए ।
घाइतेमध्ये दुई जनाको सन्धीखर्कमै उपचार भइरहेको छ भने अन्यलाई बुटवलतर्फ रेफर गरिएको छ । अहिले घटनास्थलमा जिल्ला प्रहरी कार्यालयबाट डीएसपी प्रकाश विष्टको कमाण्डमा खटिएको टोली थप घाइतेको उद्दार गरिरहेको प्रदेश प्रहरीले जनाएको छ ।
प्रतिक्रिया