शिकार खेल्दा खेल्दै उदयपुरमा भरुवा बन्दुकबाट एक जनाको मृत्यु

भरुवा बन्दुकको छर्रा लागेर उदयपुरको कटारी नगरपालिका वडा नम्बर ११ गोठडाँडामा गएराति एकजनाको मृत्यु भएको छ । भरुवा बन्दुकको छर्रा लागेर स्थानीय शंकर राउतको मृत्यु भएको ईलाका प्रहरी कार्यालय कटारीका प्रमुख डिएसपी प्रेमसागर केसीले बताए ।

जंगलमा सिकार खेल्न जाँदा अचानक भरुवा बन्दु पड्केर भरुवाको गोलीले राउतलाई लागेर मृत्यु भएको हो । यस विषयमा थप अनुसन्धान भईरहेको केसीले बताए । ‘ गोली कसरी लाग्यो ,कसले चलायो थप अनुसन्धान गरिरहेका छौं ।’केसीले भने ,‘छर्रा लागेर भएको एकजनाको मृत्युसम्बन्धी अनुसन्धान भइरहेकाले अन्य कुरा खुल्न बाँकी छ ।’ यथाशीघ्र घटनाको वास्तविकता खुल्ने पनि डिएसपी केसीले बताए ।