पाँचथरमा पिकअप दुर्घटना, तीन जना घाइते

फिदिम १९ साउन । पाँचथरका हिलिहाङ गाँउपालिका–६, भारपाको सल्लेरीमा आइतबार पिकअप दुर्घटना हुँदा तीन जना घाइते भएका छन् ।

फिदिमबाट फालेलुङ गाँउपालिकाको मेमेङ जादै गरेको मे १ ज २०७५ नम्बरको पिकअप दुर्घटना भएको जिल्ला ट्राफिक कार्यालय पाँचथरका प्रमुख जनक तिम्सिनाले जानकारी दिए । दुर्घाटनामा परी सिराहाको लाहान नगरपालिका घर भई मेमेङ माविमा कार्यरत शिक्षक सत्यनारायण चौधरी गम्भिर घाइते बनेका छन् । उनको जिल्ला अस्पताल पाँचथरमा उपचार सम्भव नभएपछि सुनसरीको धरानस्थित बी.पी.कोइराला स्वास्थ्य विज्ञान प्रतिष्ठान रेफर गरिएको बताइएको छ ।

दुर्घटनामा पिकअपका चालक फालेलुङ गाँउपालिका–८, का २२ वर्षीय धिरज राई, सोहि गाँउँपालिका–४, का विन्दु गुरुङ सामान्य घाइते भएका छन् । स्टेरिङ जाम भएर पिकअप अनियन्त्रीत भई सडकबाट दश मिटर तल खसेको ट्राफिक प्रहरी प्रमुख तिम्सिनाले बताए ।