तेह्रथुम, १२ साउन । मोटरसाइकल दुर्घटना हुँदा आज यहाँ एक जनाको मृत्यु भएको छ ।
मृत्युहुनेमा म्याङलुङ नगरपालिका–७ आम्बुङका राम लिम्बु रहेको छ । जिल्लाको जिरिखिम्तीदेखि धरानतर्फ जाँदै गरेको को १० प ५६२० नम्बरको मोटरसाइकल लालीगुराँस नगरपालिकास्थित च्याक्चेमा दुर्घटना हुँदा उनको मृत्यु भएको हो ।
हिलाम्मे सडकको हिलोबाट बच्न छेउबाट गुडाउँदा चिप्लिएर दुर्घटना हुँदा मोटरसाइकल पछाडि बसेका लिम्बु गम्भीर घाइते भएका थिए । उपचारका लागि जिल्ला अस्पताल धनकुटा लैजाँदै गर्दा बाटैमा उनको मृत्यु भएको इलाका प्रहरी कार्यालय बसन्तपुरका प्रहरी निरीक्षक गणेश कोइरालले बताउनुभयो ।
मोटरसाइकल सडकबाट करिब २५ मिटर तल खसेको थियो । सो दुर्घटनामा परी गम्भीर घाइते हुनुभएका मोटरसाइकल चालक सुजनको जिल्ला अस्पतालमा उपचार भइरहेको उहाँले बताउनुभयो ।
प्रतिक्रिया