सिन्धुली, ५ साउन । सिन्धुलीको सुनकोसी गाउँपालिका–४ कोटगाउँमा बुधबार साँझ मिनिट्रक दुर्घटना भएको छ ।
मिनिट्रक दुर्घटना हुँदा साविकको झाँगाझोली रातमाटा गाविसका पूर्व गाविस उपाध्यक्ष अन्दाजी ५० वर्षीय तीर्थबहादुर थापाको मृत्यु भएको स्थानीय कौशल कोइरालाले जानकारी दिनुभयो ।
उकालोमा मिनि ट्रकले लोड तान्न नसकेपछि चालक र सहचालक शौच गर्न गएको र अचानक मिनिट्रक ओरालोमा गुडी १०० मिटर तल खस्दा दुर्घटना भएको थियो । मृतक थापासँगै ट्रकमा रहेका अर्का व्यक्ति भाग्न सफल भएको स्थानीयको भनाइ छ ।
गिट्टी लिएर जाँदै गरेको बा ४ ख ३६१३ नम्बरको मिनिट्रक दुर्घटना भएको सितलपाटी–४ का वडा अध्यक्ष शंखर जर्गामगरले जानकारी दिनुभयो । दुर्घटनामा ट्रकमा सवार अरु घाइते नभएको उहाँको भनाइ छ ।
प्रतिक्रिया