धामी, झाँक्रीलाई स्वास्थ्यमूलक तालीम

केयर नेपाल र स्वाँरा सघन गाउँ विकास केन्द्रको सहयोगमा जनचेतनामूलक कार्यक्रम गरेको बारपाक स्वास्थ्यचौकी प्रमुख अनिलकुमार शाहले जानकारी दिनुभयो । बारपाकमा ३० जना धामीझाँक्री बसोबास गर्छन् । तालीममा धामी झाँक्रीकोमा ल्याउने बिरामीलाई तुरुन्तै स्वास्थ्य संस्थामा पठाउन आग्रह गरिएको हो ।

दुई साता अघिदेखि बारपाकमा झाडापखालाको समस्या देखिएको थियो । पन्ध्र महिने अमृत घलेको पखालाकै कारणले मृत्यु भएपछि घटना बाहिर आएको थियो । पखाला नियन्त्रणमा आइसकेको स्वास्थ्य चौकी प्रमुख शाहले बताउनुभयो । दूषित पानीको प्रयोगले बर्सेनिजसो पखालाका बिरामी देखिन्छन् ।