काठमाडौं । एसिया प्रशान्त क्षेत्रीय प्रसारण विकास संस्था ए आई बी डी ले हरेक वर्ष आयोजना गर्ने एसिया मिडिया समिट आगामी वर्ष नेपालमा हुने भएको छ ।भुटानमा आज सम्पन्न ए आई बी डी को ४५ औं वार्षिक भेला तथा १८ औं साधारण सभामा सहभागी रेडियो नेपालका कार्यकारी निर्देशक सुरेश कुमार कार्कीले एसिया मिडिया समिट नेपालमा हुने जानकारी दिए ।
सञ्चार तथा सूचना प्रविधि मन्त्रालय र संस्कृति, पर्यटन तथा नागरिक उड्डयन मन्त्रालयका तर्फबाट एसिया मिडिया समिट नेपालमा गर्ने प्रतिवद्धता जनाउन भए पछि ए आई बी डी को साधारण सभाले एसिया मिडिया समिट नेपालमा गर्ने निर्णय गरेको हो ।नेपाल भ्रमण वर्ष २०२० को अवसर पारेर सरकारका तर्फबाट नेपालमा एसिया मिडिया समिट गर्ने प्रस्ताव गरिएको हो ।एशिया प्रशान्त क्षेत्रमा प्रसारण विकासका लागि विभिन्न काम गर्दे आएको ए आई बी डी मा रेडियो नेपाल संस्थापक सदस्य रहेको छ ।
प्रतिक्रिया