अविरल बर्षाका कारण पहिरोले घर परिँदा काभ्रेमा दुई जनाको मृत्यु

काठमाडौं २७ असार । अविरल बर्षाका कारण काभ्रेपलाञ्चोक जिल्लाको बनेपा नगरपालिका–३ मा गएको पहिरोले घर पुर्दा दुई जनाको मृत्यु भएको छ । दुई जना घाइते भएका छन् ।

पहिरोले रामप्रसाद दंगालको घर पुरिएको छ । पहिरोमा परेर रामप्रसादकी श्रीमती ५५ वर्षीया गोमा र नातिनी ७ वर्षीया सोहनीको मृत्यु भएको प्रहरीले जनाएको छ ।अर्की नातिनी अनुस्का र बुहारी सुशीलालाई उद्दार गरिएको छ । उनीहरुको स्थानीय अस्पतालमा उपचार भइरहेका छन् ।